رياض (ويب ڊيسڪ) سعودي عرب پاڪستاني شاگردن لاءِ 700 مڪمل فنڊڊ تعليمي وظيفن جو اعلان ڪيو آهي، جن سان اهي سعودي عرب جي 25 اعليٰ يونيورسٽيز ۾ تعليم حاصل ڪري سگھندا.
رپورٽ موجب رياض ۾ پاڪستاني سفارتخاني هڪ نوٽيفڪيشن ۾ اعلان ڪيو آهي ته سعودي عرب جي 25 يونيورسٽيز ۾ ڊپلوما، بيچلرز، ماسٽرز ۽ پي ايڇ ڊي پروگرامن ۾ تعليم حاصل ڪرڻ لاءِ پاڪستاني شاگردن کي 700 مڪمل فنڊڊ وظيفا فراهم ڪيا ويندا.
سفارتخاني جي بيان ۾ چيو ويو آهي ته پهريان اسڪالرشپس جو انگ 600 هو جنهن کي هاڻي وڌائي 700 ڪيو ويو آهي.
رپورٽ موجب جيڪي شاگرد پاڪستان ۾ آهن يا قانوني طور تي سعودي عرب ۾ رهن ٿا اهي اسڪالرشپس لاءِ آن لائين پورٽل https://studyinsaudi.moe.gov.sa ذريعي درخواست ڏئي سگھن ٿا.
رپورٽ موجب هتي اها ڳالهه ذڪر ڪرڻ جوڳي آهي ته 75سيڪڙو وظيفا پاڪستان وارن کي جڏهن ته 25 سيڪڙو وظيفا سعودي عرب ۾ ترسيل پاڪستاني شاگردن کي ڏنا ويندا.
امڪاني طور تي ان عمل ۽ اسڪالرشپ لاءِ درخواست ڏيڻ جي طريقيڪار بابت ڄاڻايل ويب سائيٽ تي وڃي تفصيل معملو ڪري سگھجن ٿا.
