اسلام آباد (عوامي آواز نيوز) پيپلز پارٽيءَ کي پيغام ملي ويو آهي ته پي ٽي آءِ سان اتحاد جو سوچيو به نه وڃي.
ان سلسلي ۾ نامياري صحافي صديق ساجد جو چوڻ آهي ته پيپلز پارٽيءَ جا اهڙا بيان اچي رهيا هئا جن مان اهو تاثر ملي رهيو هو ته چونڊن ۾ پيپلز پارٽي شايد پي ٽي آءِ سان اتحاد جو سوچي رهي آهي.
ان صورتحال جي تناظر ۾ ذريعن کان معلوم ٿيو آهي ته اسٽيبلشمينٽ اڳوڻي صدر آصف علي زرداري کي پيغام اماڻيو آهي ته بلاول ڀٽو زرداري کي سمجهايو وڃي ۽ پي ٽي آءِ سان بطور پارٽي اتحاد کان پاسو ڪيو وڃي، شخصيتن يا سياسي پارٽين سان اتحاد ڪيو وڃي.
نوٽ: هيءَ خبر روزاني عوامي آواز اڱارو 31 آڪٽوبر 2023 تي شايع ٿي
