لاهور (ويب ڊيسڪ ) پاڪستان ڪرڪيٽ بورڊ جي مئنيجمينٽ ڪميٽي جي چيئرمين ذڪاءَ اشرف سان سرفراز احمد ۽ شاهنواز ڏاهاڻي جي ملاقات ٿي آهي.
ذڪاءَ اشرف جي سرفراز احمد ۽ شاهنواز ڏاهاڻي سان ملاقات پي سي بي هيڊڪوارٽر ۾ ٿي، ذڪاءَ اشرف ڪراچي وائٽس کي قائدِ اعظم ٽرافي کٽڻ تي مبارڪباد ڏني.
پي سي بي مئنيجمينٽ ڪميٽي جي چيئرمين سرفراز احمد جي قائداڻي صلاحيتن جي واکاڻ ڪئي ۽ فاسٽ بالر شاهنواز ڏاهاڻي جي ڪارڪردگي کي ساراهيو.
🎥 PCB Chairman Management Committee, Mr Zaka Ashraf met with Sarfaraz Ahmed and Shahnawaz Dahani, extending his congratulations to Karachi Whites on winning the Quaid-e-Azam Trophy 2023-24. pic.twitter.com/Pb4M5nQZwW
— Pakistan Cricket (@TheRealPCB) October 27, 2023
ان موقعي تي ذڪاءَ اشرف رانديگرن جي فلاح، بهتري ۽ ريجنل ڪرڪيٽ جي سپورٽ جاري رکڻ جو عزم ورجايو.
ياد رهي ته گذريل ڏينهن قائدِ اعظم ٽرافي جي فائنل ۾ ڪراچي وائٽس فيصل آباد ريجن کي 456 رنسن تان عبرتناڪ شڪست ڏئي ٽرافي پنهنجي نالي ڪئي هئي.
