ڪراچي )ويب ڊيسڪ) ڪراچي جي دھشتگردي ٽوڙ عدالت ارشاد رانجھاڻي قتل ڪيس جو فيصلو چئن سالن کانپوءِ ٻڌائي ڇڏيو آهي.
عدالت پنهنجي فيصلي ۾ مک جوابدار رحيم شاهه کي 6 سال قيد ۽ ھڪ لک رپيا ڏنڊ جي سزا ٻڌائي.
عدالت ڏوھه ثابت نه ٿيڻ تي ٻين جوابدارن کي آزاد ڪرڻ جو حڪم ڏئي ڇڏيو.
پنهنجي فيصلي ۾ عدالت چيو ته ڏوهه ثابت ٿيڻ تي جوابدار رحيم شاهه کي ڇهه سال قيد جي سزا ٻڌائي وئي آهي.
ڪيس جو مک جوابدار رحيم شاھه عدالتي رمانڊ تي جيل ۾ آھي،ڪيس ۾ ڊي ايس پي شوڪت شاھاڻي ۽ ٻيا جوابدار ضمانت تي آزاد آھن.
ياد رهي ته ارشاد رانجھاڻي جو قتل ڪيس شاھه لطيف ٿاڻي تي 6 فيبروري 2019 تي داخل ڪيو ويو ھو، ڪيس ۾ دھشتگردي جا قلم شامل هئا.
