بئنگلورو( ويب ڊيسڪ ) قومي ٽيم جي وڪيٽ ڪيپر بيٽر محمد رضوان جو چوڻ آهي ته اسان وٽ ٽاپ بالرز آهن، ٽيم جو مسئلو آگاهي آهي جنهن ۾ سڀ کان اهم فيلڊنگ آهي.
پاڪستان ڪرڪيٽ بورڊ طرفان محمد رضوان جي هڪ وڊيو شيئر ڪئي وئي جنهن ۾ ڀارت هٿان شڪست تي رضوان چيوته هار کٽ راند جو حصو آهي ۽ ورلڊ ڪپ ۾ هر ميچ اهم آهي جتوڻيڪ ڀارت خلاف ميچ هارائي وياسين پر ان کان اڳ اسان ڀارت کان ٻه ميچ کٽيا به آهن.
رضوان چيوته ورلڊ ڪپ ۾ شامل سڀئي ٽيمون سٺيون آهن ۽ پاڪستان لاءِ هڪ هڪ ميچ اهم آهي، پاڪستان ٽيم سٺي آهي اِهو نٿا چئي سگهون سموري دنيا جي ٽيمن کان هيٺ آهيون.
.@iMRizwanPak discusses the areas of improvement and support from the fans as Pakistan prepare for their next #CWC23 clash against Australia.#DattKePakistani pic.twitter.com/GrJlPhgFmJ
— Pakistan Cricket (@TheRealPCB) October 18, 2023
هن چيو ته اسان جو مسئلو آگاهي آهي، ان ۾ مسئلو فيلڊنگ جو آهي ۽ اسان کي ميدان ۾ ان تي ظابطو آڻڻو پوندو.
قومي ڪرڪيٽر جو چوڻ هو ته اڄ به سڀئي ٽيمون اِهو چئي رهيون آهن ته پاڪستان ٽيم لاءِ اڳڪٿي نٿي ڪري سگهجي، اسان وٽ دنيا جا ٽاپ بالرز آهن.
هن وڌيڪ چيو ته اسان جا اسپنر آئوٽ آف فارم آهن، پر شاداب خان ۽ محمد نواز سان کي ڪنهن مهل به ميچ کٽرائي سگهن ٿا.
