پشاور (م ڊ ) پاڪستان تحريڪ انصاف جي اڳواڻ مراد سعيد جي گرفتاري لاءِ پوليس پشاور جي علائقي ورسڪ ۾ ڇاپا هنيا آهن. پوليس موجب مراد سعيد پوليس جي ڇاپي کان ڪجهه منٽ اڳ فرار ٿي ويو. ايس پي ورسڪ ارشد خان جو چوڻ آهي ته مراد سعيد مبينا طور تي ناصر باغ ۾ هڪ گهر ۾ لڪيل هو، پي ٽي آءِ اڳواڻ جي گهر وارن ڪارروائي ۾ رڪاوٽ وجهڻ جي ڪوشش ڪئي، جنهن سبب جوابدار فرار ٿي ويو آهي. پوليس جو چوڻ آهي ته مراد سعيد جا 2 ملازم به گهر ۾ موجود هئا، پي ٽي آءِ اڳواڻ جي ساهورن پوليس تي پٿراءُ ۽ بدتميزي ڪئي، ڇاپي دوران مراد سعيد جي گاڏي به هٿ ڪئي وئي آهي. ايس پي ورسک ارشد خان موجب جوابدار مراد سعيد خلاف 9 واقعن جا ڪيس داخل آهن.
