اسلام آباد ( عوامي آواز نيوز ) اڊيالا جيل ۾ پنهنجي وڪيلن سان ملاقات ۾ عمران خان ڪاوڙ ۾ اچي انڪشاف ڪيو آهي ته ٻن مهينن کان جيل ۾ آهيان، ان جا ذميوار عمر عطا بنديال، لطيف کوسا ۽ اعتزاز احسن آهن.
نامياري صحافي راجا عاطف ذوالفقار جو چوڻ آهي ته عمران خان وڪيلن کي چيوته اڳوڻي چيف جسٽس عمر عطا بنديال، اعتزاز احسن ۽ لطيف کوساخاطري ڪرائي هئي ته هفتي يا 10 ڏينهن ۾ ضمانت تي آزاد ٿي ويندس پوءِ ڇو ٻن مهينن کان جيل ۾ قيد آهيان.
عمران خان جي اهڙي سوال جو وڪيلن وٽ جواب نه هو ان ڪري خاموشي سان ملاقات ڪري واپس هليا ويا
نوٽ: هيءَ خبر روزاني عوامي آواز جمعو 13 آڪٽوبر 2023ع تي شايع ٿي
