تل ابيب (ويب ڊيسڪ) اسرائيل چيو آهي ته هن غزا تي 4000 ٽن وزني 6000 بم ڪيرايا آهن.
اسرائيلي فوج سوشل ميڊيا تي هڪ بيان ۾ چيو آهي ته هن ڇنڇر ڏينهن حماس جي حملي کان پوءِ کان هيل تائين 4000 ٽن وزني 6 هزار بم غزا جي پتي تي ڪيرايا آهن.
فلسطين جي صحت اختيارين موجب بمباري ۾ هيل تائين 1417 ماڻهو شهيد ٿي چڪا آهن جڏهن ته زخمي فلسطينين جو انگ 6 هزار 800 کان ٽپي ويو آهي.
صحت کاتي سرائيل طرفان غزا تي مبمباري جي مذمت ڪئي آهي ۽ عالمي حقن جي گروهن کان فوري ڪارروائي جو مطالبو ڪيو آهي ڇو جو اسپتالون مردا خانن ۾ تبديل ٿيڻ جو خطرو آهي.
اسرائيلي جهازن تان پمفليٽ ڪيرائي فلسطينين کي گھر ڇڏڻ جي ڌمڪي ڏني پئي وڃي، اسرائيلي هوائي حملي ۾ وڌيڪ چار هيلٿ ورڪرز شهيد ٿي ويا آهن.
غزا شهر جي مرڪزي اسپتال ۾ جنريٽرز لاءِ رڳو چئن ڏينهن جو ٻارڻ بچيو آهي، هلال احمر جي ترجمان چيو آهي ته غزا ۾ بجلي جي کوٽ سبب اسپتالن ۾ بجلي جي فراهمي معطل آهي، غزا پٽي جي اڪيلي بجلي گھر ٻارڻ جي کوٽ سبب گذريل ڏينهن ڪم ڪرڻ بند ڪري ڇڏيو هو.
