اسرائيل حماس سان جنگ ڇڙڻ کانپوءِ پاڻ کي مظلوم ثابت ڪرڻ لاءِ سوشل ميڊيا جو سهارو وٺي رهيو آهي.
اسرائيل جتي هٿين خالي فلسطينن تي ظلم ۾ اضافو ڪيو اتي هن حماس سان جنگ جي شروع ٿيڻ کانپوءِ پاڻ کي مظلوم ثابت ڪرڻ لاءِ به مختلف حربا استعمال ڪرڻ شروع ڪري ڇڏيا آهن جنهن لاءِ اسرائيل هاڻ سوشل ميڊيا جو به سهارو وٺي رهيو آهي.
عرب ميڊيا موجب، اسرائيل حماس حملي کانپوءِ پاڻ کي مظلوم ثابت ڪرڻ ۽ جنگ مڙهڻ جو پيغام عام ڪرڻ لاءِ يوٽيوب جو سهارو ورتو آهي.
اسرائيل طرفان يوٽيوب جو استعمال ڪندي اشتهار هلارايو ويو جنهن ۾ حماس جي حملي کان پنهنجي شهرين کي محفوظ رکڻ جي اپيل ڪئي وئي آهي.
يوٽيوب طرفان اسرائيل جو اشتهار هلائڻ کانپوءِ ڪجهه سوشل ميڊيا واهپيدارن ان جا اسڪرين شاٽ سوشل ميڊيا تي شيئر ڪيا ۽ يوٽيوب جي پاليسي کي ڇتي تنقيد جو نشانو بڻايو .
An ad from the State of Israel just came up when I was watching youtube with the theme "We are under attack”. Wow they created and distributed that ad really quickly.
— Alvin (@AlvinPacino) October 9, 2023
ڪجهه سوشل ميڊيا واهپيدارن ان کي اسرائيل جو هڪ پروپئگنڊا قرار ڏنو ته ڪجهه يوٽيوب طرفان اسرائيل جي ان اشتهار جي منظوري کي ڇرڪائيندڙ قرار ڏنو.
هڪ صارف سوشل ميڊيا تي لکيو ته غزا جي صورتحال تي ٽي وي ڪمرشل يا ميڊيا مهم سندس نظر مان تمام گهٽ گذري آهي پر هاڻ اسان ڪٿي آهيون؟ يوٽيوب اشتهار کي ان لاءِ چونڊيو ويو ته قتل درست آهي.
