ممبئي (ويب ڊيسڪ) يش راج فلمز جي بلاڪ بسٽر فلم ”وار“ جنهن ۾ بالي ووڊ سپر اسٽار ريٿڪ روش ڪردار نڀائي رهيو آهي، ان جي ٻئي پارٽ ۾ انڊسٽري جا وڏا اداڪار شاهه رخ ۽ سلمان خان کي به شامل ڪرڻ جو فيصلو ڪيو ويو آهي.
ميڊيا رپورٽس موجب ”وار“ جو ٻيون پارٽ ڊائريڪٽر ايان مکرجي بڻائيندي ۽ 2025ع ۾ ايندڙ فلم لاءِ شاهه رخ خان، سلمان خان ۽ هرٿيڪ روشن ايڪشن ۾ گڏ نظر ايندا.
ميڊيا رپورٽس موجب ”وار 2“ جي مهورت ٿي چڪي آهي ۽ ڊائريڪٽر هلندڙ مهيني فلم جي شوٽنگ شروع ڪرڻ چاهين پيا، هرٿيڪ روشن ”فائٽر“ جي شوٽنگ لاءِ اٽلي ۾ آهي ۽ هو واپس اچي پروجيڪٽ جو حصو بڻجندو.
ميگا ايڪشن ۽ ٿرلر فلم لاءِ ڪيارا اڊواني کي عورت جي مرڪزي ڪردار لاءِ فائنل ڪيو ويو آهي جڏهن ته شوٽنگ جي شروعات اين ٽي آر جونيئر سان گڏ ٿي ويندي.
