ماهرن انسانن کي چئن نسلن ۾ ورهايو آهي، هڪ ڪارو، ٻيو ڀورو، ٽيون ڦِڪو، چوٿون ڪڻڪ رنگو جيڪو اسان ايشيائي ملڪن ۾ رهندڙ ماڻهن جو آهي.
هونئن ته هر ماڻهوءَ جي طبيعت، فطرت ۽ مزاج پنهنجو ۽ الڳ الڳ هوندو آهي، مطلب ته هر ماڻهو ٻئي ماڻهو کان مختلف هوندو آهي. پر جيڪڏهن ڳالهه فردي سطح کان وڌائي، قبيلائي، علائقائي، ملڪي يا نسلي سطح جي ڪبي ته اهڙيون ڪيتريون ئي خاصيتون، خوبيون يا خاميون ۽ عادتون پڻ نظر اينديون جيڪي مخصوص قيبلن، علائقن، ملڪن ۽ نسلن جي ماڻهن ۾ ئي ملنديون.
ساڳئي ريت هڪ نسل جون اهي خاصيتون، خوبيون يا خاميون ۽ عادتون وري ٻئي قبيلي، علائقن، ملڪن ۽ نسلن جي ماڻهن ۾ نه ملنديون.
