اسلام آباد(مانيٽرنگ ڊيسڪ) پيپلز پارٽي جي اڳوڻي اڳواڻ ۽ اڳوڻي سينيٽر مصطفيٰ نواز کوکر هلندڙ مهيني نئين پارٽي جي قيام جو اشارو ڪري ڇڏيو آهي.
سينيٽ ۾ اهم تبديلين جو انڪشاف ڪندي مصطفيٰ نواز کوکر چيو ته سينيٽ ۾ تبديلين جا واڪا شروع ٿي ويا آهن.هن چيو ته پڙاڏو آهي ته نواز شريف جي وطن واپسي کان اڳ سينيٽ ۾ تبديلي ٿيڻ گهرجي ته جيئن هو مطمئن ٿئي اڳوڻي ناڻي واري وزير اسحاق ڊار کي سينيٽ جو چيئرمين بڻايو وڃي.
مصطفيٰ نواز کوکر نواز شريف جي واپسي کي ڊيل قرار ڏيندي چيو ته ڊيل تحت نواز شريف جي واپسي 100 سيڪڙو آهي، مسلم ليگ ن پنهنجو بيانيو وڃائي چڪي آهي.
اڳوڻي سينيٽر پيپلز پارٽي تي سخت تنقيد ڪندي چيو ته پيپلزپارٽي کي اسٽيبلشمينٽ مان جيڪي اميدون هيون، اهي پوريون نه ٿيون، ان ڪري هو ناراض آهن.
