ماهرن طرفان چيو ويندو آهي ته ڊولفن پاڻي ۾ رهندڙ جاندارن مان سڀ کان وڌيڪ عقلمند مڇي (جاندار) آهي.
ڊولفن گوشت کائيندڙ جانور آهي، ان ڪري ان جي ڳڻپ Carnivores يعني گوشت خور جاندارن جي فهرست ۾ ڪئي ويندي آهي. ڊولفنز هڪ ٻئي سان ڳالهائڻ لاءِ سيٽي جهڙو آواز ڪڍنديون آهن.
ڊولفنز جون اکيون تيز هونديون آهن ۽ پاڻي ۾ موجود شين کي اهو پري کان ئي ڏسي وٺنديون آهن.
ڊولفن، انسان سان دوستاڻو رويو رکنديون آهن، اهو ئي سبب آهي جو گھڻن فيسٽيولز دوران سڄي دنيا ۾ ڊولفن طرفان انسان ٽرينر جي نگران هيٺ پاڻي ۾ بال پڪڙڻ، اڇلڻ وغيرا جهڙا ڪرتب ڏيکاريا ويندا آهن. انهن ڪرتبن کي ڏسي ٻار گھڻو خوش به ٿيندا آهن.
ماهرن موجب سڄي دنيا ۾ 45 قسمن جون ڊولفنز آهن، انهن جو سڀ کان عام قسم بوٽل نوز (Bottlenose Dolphin) آهي. بوٽل نوز ڊولفن جي عمر وڌ کان وڌ 40 سال هوندي آهي.
