ڪولمبو ( ويب ڊيسڪ ) ايشيا ڪپ ۾ سريلنڪا خلاف ميچ لاءِ پليئنگ اليون ۾ شامل ٿيندڙ زمان خان جو چوڻ آهي ته هن ڪڏهن سوچيو به نه هو ته پاڪستان لاءِ ايڏي وڏي ليول تي ايشيا ڪپ جهڙو ايونٽ کيڏندس.
پاڪستان ڪرڪيٽ بورڊ ( پي سي بي ) جي ايڪس اڪائونٽ تي شيئر ڪيل وڊيو ۾ زمان خان پليئنگ اليون شامل ٿيڻ تي خوشي جو اظهار ڪيو ۽ چيو ته ڪڏهن سوچيو نه هو ته مان پاڪستان لاءِ ايڏي وڏي ليول تي ايشيا ڪپ جهڙو ايونٽ کيڏندس.
Zaman Khan is all set to make his ODI debut tomorrow 🙌#PAKvSL | #AsiaCup2023 pic.twitter.com/c2LzkYyVxm
— Pakistan Cricket (@TheRealPCB) September 13, 2023
زمان خان چيو ته ايشيا ڪپ پليئنگ اليون ۾سليڪٽ ٿيڻ تي تمام گهڻي خوشي محسوس ڪري رهيو آهيان، ان کان اڳ پاڪستان لاءِ ٽي ٽوئنٽي انٽرنيشنل ۾ ڊيبيو ڪري چڪو آهيان ۽ هاڻي سينيئر پليئرز سان گڏ پريڪٽس سيشن به سٺو رهيو آهي.
هن وڌيڪ چيو ته حارث رئوف ۽ شاهين سريلنڪن ڪنڊيشنز ۾ ڪرڪيٽ کيڏي چڪا آهن انهن وٽان سکڻ جي ڪوشش ڪندس سندن ڳالهين تي عمل ڪندي اڄ بالنگ ڪندس.
