اسپين ۾ لائيو ٽي وي نشريات دوران صحافڻ کي هراسان ڪندڙ شخص کي گرفتار ڪيو ويو.
صحافڻ عيسيٰ بلاد کي جنسي طور ان وقت هراسان ڪيو ويو، جڏهن هوءَ ميڊرڊ ۾ ڦر جي هڪ واقعي جي ڪوريج ۾ مصروف هئي.
عورت روڊ تي بيهي رپورٽنگ ڪري رهي هئي ته هڪ شخص پويان آيو ۽ کيس نامناسب انداز ۾ ڇُهيو، جنهن جي وڊيو سوشل ميڊيا تي وائرل ٿي وئي ۽ واهپيدار ان شخص کي اهڙي حرڪت ڪرڻ تي تنقيد جو نشانو بڻائي رهيا آهن.
El machismo es lo que hace que periodistas tengan que sufrir agresiones sexuales como esta y que los agresores estén sin ningún tipo de remordimiento delante de la cámara. No puede quedar impune.
La profesional @IsaBalado jamás tendrá la culpa. #SeAcabó
pic.twitter.com/0RM5jvGyyC— Yolanda Díaz (@Yolanda_Diaz_) September 12, 2023
واقعي جي حوالي سان صحافڻ ٻڌايو ته ميزبان جي اصرار تي مان ان شخص کي ڪئميرا سامهون آندو، هن ويجهو اچي غير مناسب طريقي سان ڇهيو پر ان دوران مان پنهنجو ڪم جاري رکڻ جي ڪوشش ڪئي، پوءِ وري اهو شخص ٻيهر ڇُهڻ جي ڪوشش ڪندي هليو ويو.ان حوالي سان پوليس ٻڌايو ته سڌي ريت نشريات دوران عورت کي جنسي طور هراسان ڪندڙ شخص کي گرفتار ڪيو ويو آهي.
