جميڪا( ويب ڊيسڪ ) ڪيربيئين پريميئر ليگ ( سي پي ايل ) ۾ قومي ڪرڪيٽر صائم ايوب جي شاندار بيٽنگ مداحن جون دليون کٽي ورتيون آهن.
گيانا ايمازون ورايئرز جي نمائندگي ڪندي صائم ايوب جميڪا ٿلاواز خلاف ففٽي اسڪور ڪئي، صائم ايوب 53 بالن تي 85 ٺاهيون جنهن تي کيس پليئر آف دي ميچ قرار ڏنو ويو.
نوجوان اوپننگ بيٽر صائم ايوب جي اننگ ۾ پنج ڇڪا ۽ پنج چوڪا شامل هئا، جڏهن ته اِها سي پي ايل ۾ صائم ايوب جي لڳاتار ٽين ففٽي آهي.
صائم ايوب ان کان اڳ باربيڊوس رائيلز ۽ ٽرنبيگو نائيٽ رائيڊرز خلاف به ففٽيون اسڪور ڪيون هيون.
صائم ايوب لڳاتار ٽي اڌ سينچريون اسڪور ڪرڻ کانپوءِ سي پي ايل جو ٽاپ اسڪورر بڻجي ويو آهي، هن ستن انگنز ۾ 288 رنسون ٺاهيون آهن.
