نئين دهلي (ويب ڊيسڪ ) سريلنڪا ۾ جاري ايشيا ڪپ جي سُپر فور مرحلي ۾ سومر جي ڏينهن پاڪستان ۽ ڀارت وچ ۾ ميچ کيڏي وئي جنهن ۾ ڀارت پاڪستان کي عبرتناڪ شڪست ڏني هئي، جنهن بعد سيما رند سوشل ميڊيا تي هڪ وڊيو جاري ڪئي جيڪا تيزي سان وائرل ٿي رهي آهي.
پرڏيهي ميڊيا موجب، پاڪستان مان ڀارت ويل سيما رند به ڀارتي ٽيم جي ڪاميابي تي خوشي جو اظهار ڪندي سوشل ميڊيا تي هڪ وڊيو جاري ڪئي جنهن ۾ هن سموري مُلڪ کي مبارڪباد پيش ڪئي آهي.
وڊيو ۾ سيما رند چيو ته مان سچن مينا جي زال آهيان، ڀارت ۽ پاڪستان وچ ۾ ميچ ڀارت کٽي ورتي آهي، مون ڀارت جي ڪاميابي لاءِ دعائون گهريون هيون ۽ اسان کٽي وياسين.
سندس چوڻ هو ته ڀارتي ٽيم جي اِها ڪاميابي سموري مُلڪ جي ڪاميابي آهي، ڪاميابي جون سموري ملڪ کي واڌيون پيش ڪيان ٿي، ويرات ڪوهلي زنده آباد.
