شاهنواز ڏاهاڻي جي ٽوئيٽ تي سوشل ميڊيا واهپيدار ڏمريل

ڪراچي ( ويب ڊيسڪ ) ايشيا ڪپ ۾ حارث رئوف ۽ نسيم شاهه جي انجري کانپوءِ فاسٽ بالر شاهنواز ڏاهاڻي ۽ زمان خان کي سريلنڪا طلب ڪيو ويو آهي.

زمان خان ڪولمبو ۾ پاڪستان ٽيم کي جوائن ڪري ورتو آهي جڏهن ته شاهنواز ڏاهاڻي کي سريلنڪن ويزا جو انتظار هو جيڪا کيس ملي وئي آهي،هو گذريل رات ڪولمبو لاءِ روانو ٿيو.

ڪولمبو لاءِ اُڏام ڀرڻ کان شاهنواز ڏاهاڻي سماجي رابطن جي ويب سائيٽ ايڪس تي ٽوئيٽ ڪئي جنهن جي ڪيپشن ۾ هن لکيو ته ايندڙ اسٽاپ دبئي ۽ ان کانپوءِ ڪولمبو.

ان سان گڏ هن ايشيا ڪپ ڪپ 2023 جو هيش ٽيگ پڻ استعمال ڪيو.

شاهنواز ڏاهاڻي جي ٽوئيٽ ڪرڻ جي دير هئي ۽ سوشل ميڊيا واهپيدارن کي کيس ٽرول ڪرڻ جو موقعو ملي ويو.

سعيد مڱريي نالي واهپيدار تي تبصرو ڪندي لکيو ته ڪيريئر تي ڌيان ڏي، مشڪريون ڪرڻ عام ماڻهن يا ٻين مُلڪن جي رانديگرن سان سيلفيون ڪڍڻ ڇڏي ڏي تي ڀلو اٿئي.

شمس تُمراڻي شاهنواز کي جواب ڏيندي لکيو ته ته تنهنجي ته سائين لاٽري لڳي.

هڪ صارف لکيو ته ها ڀائو، جلدي پهچ، اتي پاڻي پيئارڻ وارو ڪير ڪونهي.

وقاص بلوچ نالي هڪ واهپيدار ته چيو ته هن کي شاهنواز ڏاهاڻي مان ڪائي اميد نه آهي.

You might also like
Leave A Reply

Your email address will not be published.