اسلام آباد(م ڊ) اليڪشن ڪميشن نگران وزيراعظم کي هدايت ڪئي آهي ته سياسي وابستگي رکندڙن کي ڪابينا ۾ شامل ڪرڻ کان پاسو ڪيو وڃي. ان حوالي سان اليڪشن ڪميشن نگران وزيراعظم جي سيڪريٽري توقير شاهه کي خط موڪلي ڇڏيو آهي.اليڪشن ڪميشن جي اسپيشل سيڪريٽري ظفر اقبال نگران وزيراعظم جي سيڪريٽري کي خط لکي ڇڏيو آهي. پوسٽ ۾ چيو ويو آهي ته عام تاثر آهي ته نگران حڪومت گذريل حڪومت جو تسلسل آهي، هڪ سياسي پارٽي تازو پريس ڪانفرنس ۾ ان ڳالهه جي نشاندهي ڪئي، نگران حڪومت تي الزام لڳايو ته هو گذريل حڪومت جي ورثي کي اڳتي وڌائي رهيو آهي.
