لاهور (عوامي آواز نيوز) ڪور ڪمانڊرز ڪانفرنس ۾ واضح پيغام ڏنو ويو آهي ته دهشتگردن، انهن جي سهولت ڪارن ۽ ڊالر سميت هر قسم جي اسمگلنگ ۾ ملوث ماڻهن سان ڪابه رعايت نه ٿيندي.
نامياري صحافي مبشر لقمان جو چوڻ آهي ته ٻن ڏينهن کان معمولي سختي ٿي آهي ته ڊالر جي قدر ۾ مسلسل گهٽتائي ٿي رهي آهي. جڏهن ته پاڪ – ايران ۽ پاڪ – افغان سرحد بند ٿيڻ ۽ کنڊ جي اسمگلنگ بند ٿيڻ شرط کنڊ به سستي ٿي رهي آهي.
ملڪ بوستان جو چوڻ آهي ته ايندڙ ڏينهن ۾ ڊالر 250 رپين جو ٿي ويندو. ان جو مطلب اهو آهي ته سختي برقرار رهي ۽ ايندڙ مهيني آءِ ايم ايف کان قسط ملي وئي ته ڊالر ٽڪي ٽوڪري ٿي ويندو.
ان ڪري جن ماڻهن ڊلر، يورو ۽ پائوند گڏ ڪيا آهن انهن کي صلاح آهي ته مهل سان بئنڪن ۾ جمع ڪرائي وڏي نقصان کان پاڻ کي بچائين.
رهيو سوال ته معيشت جي بحاليءَ لاءِ ترتيب ڏنل پاليسين تي عمل جيئن جو تيئن جاري رهيو ته معاشي بحاليءَ واري عمل ۾ جلد بهتري به اچي ويندي، جيڪا اچي به رهي آهي.
نوٽ:هي خبر روزاني عوامي آواز ڇنڇر 9 سپٽيمبر 2023 تي شايع ٿي
