نئين دهلي (ويب ڊيسڪ) ڀارتي رياست راجسٿان ۾ زال کي مار ڪٽ کان پوءِ ڪپڙن کان آجو ڪري پريڊ ڪرائيندڙ جوابدار کي پوليس گرفتار ڪري ورتو.
ڀارتي ميڊيا موجب پرتاب ڳڙهه جي علائقي ۾ مڙس پنهنجي چئن مهينن جي ڳورهاري زالي سان ظلم ۽ زيادتي ڪئي.
پوليس جو چوڻ هو ته اهو واقعو 31 آگسٽ جي شام جو پيش آيو جنهن ۾ مڙس ۽ ساهرن عورت کي پاڙيسري سان ناجائز لاڳاپن جي شڪ تي مار ڪٽ ڪرڻ بعد کيس ڪپڙن کان آجو ڪري عورت کي ڳوٺ ۾ پريڊ به ڪرائي، عورت جي مڙس ان سڄي منظر کي موبائل ڪيمرا ذريعي رڪارڊ به ڪيو.
پوليس موجب وڊيو وائرل ٿيڻ تي پوليس حرڪت ۾ آئي ۽ مڙس سميت ٽن ڄڻن کي گرفتار ڪري ورتو جڏهن ته وڌيڪ 7 شڪي ماڻهن کي حراست ۾ وٺي جاچ به ڪئي پئي وڃي.
پوليس عوام عورت جي وڊيو ڪنهن به سوشل ميڊيا پليٽ فارم تي شيئر نه ڪرڻ جي اپيل ڪئي آهي.
