پنجاب جي اڳوڻي وڏي وزير چوڌري پرويز الاهي جي پٽ مونس الاهي پيءُ جي ٻيهر گرفتاري تي عدالتي حڪمن جي ڀڃڪڙي قرار ڏئي ڇڏيو.
لاهور هاءِ ڪورٽ طرفان آزاد ڪرڻ کانپوءِ پوليس پرويز الاهي کي ٻيهر گرفتار ڪري ورتو آهي.
ان ڏس ۾ پرويز الاهي جي پٽ مونس الاهي جو چوڻ آهي ته پوليس عدالتي حڪمن کانپوءِ منهنجي والد کي گهر ڇڏڻ واري هئي.
هن چيو ته گهٽيءَ ۾ داخل ٿيندي ئي منهنجي والد کي اغوا ڪيو ويو، اِها عدالتي حڪمن جي ڀڃڪڙي آهي.
After high court’s orders and on the Judge’s instructions police including court security were taking my father home. As the car entered our street, it was stopped and he was abducted. If court orders are going to be ridiculed like this maybe they should officially declare it.
— Moonis Elahi (@MoonisElahi6) September 1, 2023
واضح رهي ته اسلام آباد پوليس پرويز الاهي کي ٿري ايم پي او تحت گرفتار ڪيو آهي جنهن کانپوءِ کيس اسلام آباد منتقل ڪيو پيو وڃي.
ذريعن جو چوڻ اهي ته پرويز الاهي کي ٿري ايم پي او تحت پندرنهن ڏينهن لاءِ اڊيالا جيل ۾ نظربند ڪيو ويندو.