سکر (ويب ڊيسڪ) تعليمي بورڊ سکر ٻارھين جماعت جو نتيجو پڌرو ڪري ڇڏيو، پري ميڊيڪل، انجنيئرنگ، ڪامرس ۽ ھوم اڪنامڪس جي نتيجن جو اعلان ڪيو ويو آهي.
نتيجن موجب پري ميڊيڪل گروپ ۾ پھرين پوزيشن سکر جي ميراب عمران 997 مارڪون کڻي حاصل ڪئي، ٻي پوزيشن خيرپور واسي عبدالتوحيد گھمرو ۽ حفصا شيراز 993 مارڪون کڻي حاصل ڪئي، ٽين پوزيشن محمد ڪاشف شيخ ۽ ملائڪه زھرا جي حصي ۾ آئي، جن 997 مارڪون حاصل ڪيون، جڏهن ته گهوٽڪي جي اسلاميه پبلڪ اسڪول جي شاگردياڻي شهنيلا اقبال مهر 939 مارڪون کڻي A1 گريڊ حاصل ڪيو.
جاري ڪيل نتيجن موجب پري ميڊيڪل گروپ ۾ 20729 اميدوارن مان 19317 اميدوار پاس ۽ 1365 اميدوار فيل قرار ڏنا ويا، جڏهن ته پري انجنيئرنگ گروپ ۾ پھرين پوزيشن خيرپور واسي عادل مصطفيٰ شيخ 998 مارڪون کڻي حاصل ڪئي، ٻي پوزيشن ميرپور ماٿيلي واسي غضنفر علي لاشاري 985 مارڪون کڻي حاصل ڪئي ۽ ٽين پوزيشن پنو عاقل واسي محمد عمر سميجو ۽ خيرپور واسڻ طيبه 985 مارڪون کڻي حاصل ڪئي.
پري انجنيئرنگ گروپ ۾ 10899 اميدوارن مان 9873 اميدوار پاس ۽ 990 اميدوار پري انجنيئرنگ گروپ ۾ فيل ٿيا.
