لاهور (م ڊ) مسلم ليگ ن جي نائب صدر مريم نواز چيو آهي ته کيس افسوس آهي ته عوام بجلي جي بلن ۾ واڌ جهڙن مسئلن کي منهن ڏئي رهيو آهي، نواز شريف ئي عوام کي مهانگائي ۽ بجلي جي بلن ۾ واڌ کان بچائي سگهي ٿو. لاهور ۾ مسلم ليگ ن وومين يوٿ ونگ جي عهديدارن سان ڳالهه ٻولهه ڪندي مريم نواز چيو ته ن ليگ 16 مهينن ۾ پاڪستان کي ڏيوالپڻي کان بچايو، هاڻي عوام کي مهانگائي کان بچائينداسين. مريم نواز چيو ته موجوده مسئلا ”پروجيڪٽ عمران“ جي 4 سالن جي فاشزم جي دور مان پيدا ٿيا آهن.
