ڪراچي (ويب ڊيسڪ) ڪراچي جي عدالت ٻارڙين سان زيادتي جي ٻن ڪيسن جو فيصلو ٻڌائي ڇڏيو.
ڪراچي جي ايڊيشنل ڊسٽرڪٽ اينڊ سيشن ڪورٽ ٻارڙين سان زيادتي جي ٻن ڪيسن ۾ ڏوهه ثابت ٿيڻ تي ٻن جوابدارن کي عمر قيد ۽ ڏنڊ جي سزا ٻڌائي.
عدالت ڪياماڙي ۾ ٻارڙي سان زيادتي جي جوابدار شريف کي عمر قيد جي سزا ٻڌائي ۽ کيس ٻه لک رپيا ڏنڊ ڀرڻ جو حڪم به ٻڌايو.
پوليس موجب جوابدار خلاف گذريل سال ڪيس داخل ڪيو ويو هو.
عدالت ٻئي ڪيس ۾ سرجاڻي ٽائون ۾ ٻارڙي سان زيادتي جي جوابدار طارق کي 10 سال پورهئي سان گڏ قيد جي سزا ٻڌائي ۽ کيس هڪ لک رپيا ڏنڊ ادا ڪرڻ جو به حڪم ڏنو.
