نئين دهلي (ويب ڊيسڪ) ڀارت ۾ هڪ پٽ پنهنجي ماءُ کي شادي لاءِ ڇوڪري ڳولڻ ۾ ناڪامي تي قتل ڪري ڇڏيو.
ڀارتي ميڊيا موجب اهو افسوس ناڪ واقعو تلنگانه رياست جي بندا ميلرام ڳوٺ ۾ پيش آيو جتي پٽ 45 ورهين جي ماءُ تي شادي لاءِ ڇوڪري ڳولي ڏيڻ ۾ ناڪامي تي سروٽا هڻي وهشياڻو تشدد ڪيو ۽ پوءِ ماءُ جو ڳلو ڪپي کيس قتل ڪري ڇڏيو.
پوليس موجب قتل ڪيل عورت جي ڌيءَ پوليس ۾ شڪايت داخل ڪرائي جنهن کان پوءِ پوليس ڪارروائي ڪندي پٽ سميت هڪ مائٽ کي گرفتار ڪري ورتو.
پوليس جو چوڻ هو ته عورت کي سروٽا هنيا ويا ۽ پوءِ پوليس کي گمراههه ڪرڻ لاءِ عورت جو ڳلو ڪپي سندس ڄنگھون به ڪپيون ويون.
پوليس موجب گرفتار جوابدارن جاچ دوران پنهنجي ڏوهه جو اعتراف ڪيو آهي.
