ممبئي (ويب ڊيسڪ ) ڀارتي ڪرڪيٽ بورڊ ( بي سي سي آءِ ) ايشيا ڪپ لاءِ پنهنجي ٽيم جو اعلان ڪري ڇڏيو، ڪي ايل راهول شرياس ائير ۽ جسپريت بمرا جي ٽيم ۾ واپسي ٿي آهي.
بي سي سي آءِ طرفان سماجي رابطن جي ويب سائيٽ ايڪس تي جاري ڪيل بيان ۾ ايشياڪپ لاءِ ٽيم جو اعلان ڪيو ويو آهي.
ايشيا ڪپ لاءِ ڀارتي ٽيم جي قيادت روهت شرما ڪندو جڏهن ته ٻين رانديگرن ۾ ويرات ڪوهلي، شُڀمَن گِل، شيرياس ائير، سوريا ڪمار ياديو، تلَڪ ورما، ايشان ڪِشن، هاردِڪ پانڊيا، جسپريت بمرا، محمد شامي، محمد سراج ۽ پراسيڌ ڪرشنا شامل آهن.
ان کانسواءِ آل رائونڊر رويندر جاڙيجا، شاردل ٺاڪر، ڪي ايل راهول، اڪشر پٽيل ۽ ڪُلديپ ياديو به ٽيم جو حصو آهن، جڏهن ته سنجو سيمسن کي اسٽينڊ باءِ رانديگر طور ٽيم ۾ شامل ڪيو ويو آهي.
Rohit Sharma (Captain), Shubman Gill, Virat Kohli, Shreyas Iyer, Suryakumar Yadav, Tilak Varma, KL Rahul, Ishan Kishan, Hardik Pandya (VC), Ravindra Jadeja, Shardul Thakur, Axar Patel, Kuldeep Yadav, Jasprit Bumrah, Mohd. Shami, Mohd. Siraj, Prasidh Krishna
Traveling stand-by…
— BCCI (@BCCI) August 21, 2023
ياد رهي ته ايشياڪپ 30 آگسٽ کان شروع ٿي رهيو آهي، پاڪستان ۽ سريلنڪا ۾ شيڊيول ميگا ايونٽ ۾ پهريون مقابلو پاڪستان ۽ نيپال جي ٽيمن وچ ۾ ملتان ۾ ٿيندو جڏهن ته پاڪستان ۽ ڀارت جون ٽيمون ٻه سپٽيمبر تي ماڻ ۾ مهاڏو اٽڪائينديون.
