ممبئي ( ويب ڊيسڪ ) اڳوڻي آسٽريلوي ڪرڪيٽر ۽ ڀارتي ٽيم جي هيڊ ڪوچ گريگ چيپل ڀارت ۾ رٿيل ون ڊي ورلڊ ڪپ جي ٽاپ فور ٽيمن بابت اڳڪٿي ڪئي آهي.
پرڏيهي خابرو اداري موجب، آسٽريلوي ڪرڪيٽر گريگ چيپل هڪ سوال جي جواب ۾ چيو ته پاڪستان، آسٽريليا، انگلينڊ ۽ ميزبان ڀارت ٽاپ فور ۾ ڪواليفاءِ ڪري سگهن ٿيون.
هن چيو ته ميگا ايونٽ ڀارت ۾ ٿي رهيو آهي جڏهن ته ايشيائي ٽيمون ان ڪنڊيشن سٺي ڪارڪردگي جو مظاهرو ڪرڻ جي صلاحيت رکن ٿيون پر آسٽريليا ۽ انگلينڊ کي مضبوظ ٽيم هجڻ سبب فهرست ۾ جاءِ ڏئي رهيو آهيان جڏهن ته پاڪستان ۽ ڀارت ڪنڊيشن جي لحاظ کان هڪ جهڙيون ٽيمون آهن.
ان کان اڳ آسٽريلوي ڪرڪيٽر گلين ميڪگرا، انگلش ڪپتان آئن مورگن به پاڪستان، آسٽريليا، انگلينڊ ۽ ڀارت کي سيمي فائنلسٽ ٽيمن جي حوالي سان اڳڪٿي ڪئي هئي جڏهن ته اي بي ڊيويليئرز پاڪستان بدران ڏکڻ آفريڪا کي فهرست ۾ جاءِ ڏني هئي.
