ڪراچي (ويب ڊيسڪ) چوماسي دوران هيپاٽائٽس اي ۽ ايِ جي ڪيسز ۾ واڌ ڏٺي وئي آهي ڇو ته انهن ڏينهن ۾ گدلاڻ پاڻي ۽ کاڌي تائين پکڙجي ويندي آهي.
ان کانسواءِ هي موسم مڇرن جي واڌ ويجهه جو سبب هوندو آهي جنهن سان مختلف انفيڪشن جنم وٺندا آهن.
ان ڏس ۾ ماهرن طرفان ٻڌايل ڪجهه احتياطي اپاءَ اوهان کي ٻڌايون ٿا.
هيپاٽائٽس جي ويڪسين لازمي لڳرايو، خاص طو تي اهي ماڻهو جن جي جسماني صحت سٺي نه رهندي هجي.
هميشه صاف ۽ اٻريل پاڻي پيئڻ گهرجي.
ڪچن کاڌن کائڻ کان پاسو ڪرڻ گهرجي ۽ گهر جي ماني کائجي.
پنهنجي ۽ ڀرپاسي جي صفائي جو خيال رکجي.
سٺي خوراڪ، ورزش ۽ مناسب آرام ڪجي ته جيئن مدافعتي قوت ٺيڪ رهي.
پنهنجا هٿ صابڻ سان ڌوئڻ گهرجن.
