پشاور( ويب ڊيسڪ ) پي ٽي آءِ پارليامينٽيرينز جي سربراهه پرويز خٽڪ چيو آهي ته پي ٽي آءِ چيئرمين اسلام آباد ۾ ويهي سموري مُلڪ کي هلائڻ چاهيندو ۽ هو چوندو ته هو فوج جي خلاف انقلاب آڻڻ چاهي ٿو.
هڪ بيان ۾ پي ٽي آءِ پارليامينٽيرينز جي سربراهه پرويز خٽڪ چيو ته مون سان گڏ هن وقت 35 کان چاليهه اليڪٽ ايبلز آهن ۽ ٻيا به رابطي ۾ آهن.
هن چيو ته اليڪٽ ايبلز جا پنهنجا ووٽ هوندا آهن، پي ٽي آءِ چيئرمين کي چونڊن ۾ پتو پئجي ويندو.
پرويز خٽڪ جو چوڻ هو ته فيبروري ۾ چونڊون هر صورت ۾ ٿيڻ گهرجن، جيڪڏهن معاملو عدالتن ۾ ويو ته چونڊون دير جو شڪار ٿي وينديون.
هن وڌيڪ چيو ته پي ٽي آءِ چيئرمين اسلام آباد ۾ ويهي سموري مُلڪ جو ڪاروهنوار هلائڻ چاهي پيو، هو چوندو ته هو فوج خلاف انقلاب آڻڻ چاهي ٿو.
