ٿي سگهي ٿو ته ڪيترن ئي ماڻهن کي خبر نه هجي پر ٻيو نه ته عورتن جي واتان تارا ميرا جو نالو ته ضرور ٻڌو هوندو، تارا ميرا هڪ اهڙو ٻوٽو آهي جيڪو پاڪستان ۽ هندستان ۾ چڻن جي فصل سان گڏ پوکيو ويندو آهي جنهن جو ميوو موري کان ننڍي قد جو ٿئي ٿو جڏهن ته ان جا پَن به موري جي پنن کان ٿورا ننڍا ٿيندا آهن. ذائقي جي حوالي سان اهو چڱو ڀلو تيز هوندو آهي جڏهن ته ان جي ٻجن مان ٽيهه کان پنجٽيهه سيڪڙو تائين تيل ڪڍيو ويندو آهي. اهو تيل مختلف حوالن سان تمام گهڻو فائديمند آهي.
