بهار (ويب ڊيسڪ) ڀارتي رياست بهار جي شهر پٽنا جي هڪ سينيما هال تي بمن سان حملو ڪيو ويو آهي ۽ ان ۾ سني ديول جي بلاڪ بسٽر فلم ”غدر 2“ جي اسڪريننگ جاري هئي.
ميڊيا رپورٽ موجب شرپسندن سينيما هال جي ٻاهران گوڙ ڪيو ۽ ٻه ننڍا بم اڇليا جنهن سبب ڪو به نقصان نه ٿيو.
پوليس ذريعن موجب سينيما جي ٻاهران هنگامو ڪندڙن مان ٻن کي گرفتار ڪيو ويو آهي ۽ انهن کان جاچ جاري آهي.
ٿيٽر هال جي مالڪ سمن سنها واقعي جي تصديق ڪندي ٻڌايو ته شرپسندن ”غدر 2“ جي ٽڪيٽ بليڪ ۾ وڪرو ڪرڻ لاءِ سينيما انتظاميا تي دٻاءُ وڌو هو.
هن چيو ته گھٽ شدت جي بمن سبب ڪو به نقصان ناهي ٿيو ۽ شرپسندن کي پوليس گرفتار ڪري ورتو آهي.
