پڊوچيري (ويب ڊيسڪ) آسٽريليا اي ٽيم ڀارت اي خلاف ٽن ون ڊي ميچن جي سيريز 1-2 تان کٽي ورتي، جنهن ۾ نٿن ميڪسويني جي شاندار بيٽنگ ۽ فاسٽ بالرن جي رفتار ۽ بائونس اهم ڪردار ادا ڪيو.
سيريز ۾ سڀ کان وڌيڪ 194 رنسون ٺاهيندڙ نٿن ميڪسويني پنهنجي ڪاميابيءَ جو سبب سخت تياري کي قرار ڏنو.
هن ٻڌايو ته ڀارت اچڻ کان اڳ هن يوٽيوب تي ويرات ڪوهلي، اسٽيون سمٿ ۽ ڀارت ۾ ڪامياب رهندڙ ٻين بيٽرن جي بيٽنگ ڏسي اسپن کيڏڻ جا طريقا سمجهڻ جي ڪوشش ڪئي.
ميڪسويني ٽن اننگز ۾ 64.66 جي ايوريج ۽ 83.62 جي اسٽرائيڪ ريٽ سان رنسون ٺاهيون.
ڀارتي اسپنرن خلاف سندس فٽ ورڪ، ڪريز کان ٻاهر نڪري کيڏڻ ۽ بال کي گيپ ۾ موڪلڻ واري حڪمت عملي اثرائتي رهي.
آسٽريليا اي جي ڪپتان ٽاڊ مرفي سيريز ۾ ڪاميابيءَ تي خوشيءَ جو اظهار ڪندي چيو ته فاسٽ بالرن جي بالنگ جي رفتار، سندن دلچسپ انداز ۽ مخالف بيٽرن لاءِ خطرو پيدا ڪرڻ واري صلاحيت ٽيم لاءِ اهم ڳالهه رهي.
سندس چوڻ هو ته ٽيم مڊل اوورن ۾ وڪيٽون وٺڻ تي به خاص ڌيان ڏنو.
