لاهور (ويب ڊيسڪ) خيبر پختونخوا جي گورنر فيصل ڪريم ڪنڊي چيو آهي ته 27 سيپٽمبر تي تحريڪ انصاف اسلام آباد نه پهچندي.
لاهور ۾ ميڊيا سان ڳالهائيندي فيصل ڪريم ڪنڊي چيو ته جيڪڏهن پي ٽي آءِ اسلام آباد پهچي به وڃي ته ڇا پارٽي جو باني آزاد ٿي ويندو؟ عدالتن کيس سزا ڏني آهي، سزا ڀوڳڻ کانپوءِ ئي هو ٻاهر ايندو.
هن چيو ته پنجاب جي وزيراعليٰ کي ٻين صوبن کان خطرو محسوس نه ڪرڻ گهرجي.
خيبر پختونخوا جي گورنر چيو ته پنجاب جي وزيراعليٰ اسان جي نُنهن آهي، کيس اهڙا بيان نه ڏيڻ گهرجن، جڏهن ته خيبر پختونخوا کي هن وقت امن ۽ ايڪي جي ضرورت آهي.
هن وڌيڪ چيو ته پنجاب ۾ وڏو وزير سهيل آفريدي اسٽريٽ موومينٽ دوران پاڻ به نظر آيو، پر هو ڪارڪنن بدران سيڪيورٽي عملي سان گڏ گهمندو پنجاب مان واپس هليو ويو.
