اسلام آباد(ع آ نيوز) منصوبابندي واري وفاقي وزير احسن اقبال به سسٽم کي ناڪام سڏيندي ملڪ ۾ 15 نون صوبن جي تجويز ڏئي ڇڏي آهي.منصوبابندي واري وفاقي وزير احسن اقبال چيو آهي ته حل اهو آهي ته اختيارن سان 160 ضلعي حڪومتون ٺاهيون وڃن يا 12 کان 15 صوبا ٺاهيا وڃن. ٽي وي پروگرام ۾ ڳالهائيندي احسن اقبال چيو ته وڏي آبادي سان بدين کان گهوٽڪي تائين سڄو صوبو ڪراچي کان نه ٿو هلائي سگهجي، پنجاب کي رحيم يار خان کان اٽڪ تائين لاهور کان نه ٿو هلائي سگهجي.هن چيو ته خيبر پختونخوا کي ڊي آءِ خان کان چترال تائين پشاور کان، بلوچستان کي پسني کان زوب تائين ۽ قلعه سيف الله کي ڪوئيٽا سيڪريٽريٽ کان هلائڻ گهرجي. احسن اقبال چيو ته حل اهو آهي ته اختيارن سان 160 ضلعي حڪومتون ٺاهڻ يا 12 کان 15 صوبا ٺاهڻ آهي. 1947 کان وٺي اسان جي پاڙيسري ملڪ ۾ هڪ درجن نوان صوبا ٺاهيا ويا آهن. هن مرڪزيت سان نظا، جيڪو آبادي جي دٻاءُ هيٺ آهي، نظام اوورلوڊ ٿيڻ سبب نتيجا نه پيو ڏئي تنهنڪري انتظامي طور تي نظام ۾ توازن جي ضرورت آهي. هن وڌيڪ چيو ته هو تڪراري ڳالهه نٿو ڪرڻ چاهي، اهو سنڌ اسيمبلي جو استحقاق آهي ته ان جو قرارداد پاس ڪري. پاڪستان جا ماڻهو سٺي تعليم، صحت، صفائي ۽ صاف پاڻي چاهين ٿا. اهي سڀ مسئلا ڪنهن به سياسي نعري يا سياسي پارٽي جي مفادن کان وڏا آهن.
