ڪراچي/اسلام آباد(ع آ نيوز) ملڪ ۾ اٽي جون قيمتون وڌيڪ وڌي ويون آهن. شماريات بيورو جي هڪ دستاويز موجب، ملڪ ۾ 20 ڪلو اٽي جي ٿيلهي جي وڌ ۾ وڌ قيمت 2900 رپين تائين پهچي وئي آهي ۽ ڪراچي جا شهري ملڪ ۾ سڀ کان مهانگو اٽو خريد ڪري رهيا آهن. شماريات بيورو چيو آهي ته ڪراچي ۾ 20 ڪلوگرام جي اٽي جي ٿيلهي جي قيمت 2900 رپين تائين آهي. اسلام آباد، ڪوئيٽا ۽ خضدار ۾ 20 ڪلوگرام جي اٽي جي ٿيلهي جي قيمت 2,800 رپين تائين آهي، جڏهن ته پشاور ۾ 20 ڪلوگرام جي اٽي جي ٿيلهي جي قيمت 2,750 رپين تائين پهچي وئي آهي.شماريات بيورو جو چوڻ آهي ته راولپنڊي ۾ 20 ڪلوگرام جي اٽي جي ٿيلهي جي قيمت 2747 رپين تائين، حيدرآباد ۾ 2,740 رپين تائين ۽ بنون ۾ 20 ڪلوگرام جي اٽي جي ٿيلهي جي قيمت 2,700 رپين تائين آهي. ڳڻپ کاتي موجب، سکر ۾ 20 ڪلوگرام جي اٽي جي ٿيلهي جي قيمت 2,560، لاڙڪاڻي ۾ 2,500، ملتان ۾ 2,420، گوجرانوالا ۽ بهاولپور ۾ 2,400 رپين تائين آهي، جڏهن ته سيالڪوٽ ۾ 20 ڪلوگرام جي اٽي جي ٿيلهي جي قيمت 2,333 رپين تائين، فيصل آباد ۾ 2,300 رپين تائين آهي. شماريات آفيس چيو ته لاهور ۾ 20 ڪلوگرام جي اٽي جي ٿيلهي جي قيمت 2,250 رپين تائين ۽ سرگوڌا ۾ 20 ڪلوگرام جي اٽي جي ٿيلهي جي قيمت 2,240 رپين تائين آهي.
