ڪراچي (ويب ڊيسڪ) ملڪ ۾ اڄ سون جي قيمت ۾ نمايان گهٽتائي رڪارڊ ڪئي وئي آهي.
آل پاڪستان جيمز اينڊ جيولرز ايسوسيئيشن موجب، اڄ في تولو سون 2 هزار 400 رپيا لاٿ کانپوءِ 4 لک 37 هزار 436 رپين جو ٿي ويو آهي.
ايسوسيئيشن موجب، 10 گرام سون 2 هزار 58 رپيا سستو ٿيڻ کانپوءِ 3 لک 75 هزار 30 رپين ۾ وڪرو ٿي رهيو آهي.
آل پاڪستان جيمز اينڊ جيولرز ايسوسيئيشن موجب، عالمي مارڪيٽ ۾ في اونس سون جي قيمت
24 ڊالر گهٽتائي کانپوءِ 4 هزار 150 ڊالر في اونس تي پهچي وئي آهي.
