ممبئي (ويب ڊيسڪ) بالي ووڊ جي مسٽر پرفيڪشنسٽ عامر خان جي ٽِين شاديءَ جي تاريخ سامهون اچي وئي آهي.
پرڏيهي ميڊيا رپورٽن موجب، عامر خان ۽ گوري اسپرٽ جي شادي آچر تي ممبئيءَ ۾ اداڪار جي رهائشگاهه تي سادگيءَ سان ٿيندي.
ان ڏس ۾ عامر خان ميڊيا سان ڳالهائيندي چيو ته 5 جولاءِ هڪ خاص ڏينهن آهي، شادي گهر ۾ ئي هڪ ننڍڙي تقريب ۾ ٿي رهي آهي، جنهن ۾ ٻنهي ڪٽنبن کانسواءِ ڪجهه دوست شريڪ ٿيندا.
هن چيو ته سڀني جون دعائون گهرجن ته ته اسان خوش رهون ۽ اسان جو سفر سٺو رهي.
واضح رهي ته عامر خان پنهنجي 60 هين سالگرهه جي موقعي تي پهريون ڀيرو گوري اسپرٽ کي متعارف ڪرايو هو ۽ باظابطا طور تي ساڻس پنهنجي رشتي جي تصديق ڪئي هئي.
ياد عامر خان جي پهرين گهرواري رينا دتا سان شادي 1986ع ۾ ٿي هئي جيڪا 2002ع ۾ ختم ٿي، جڏهن ته ٻي گهرواري ڪرن رائو سان شادي 2005ع ۾ ٿي هئي جيڪا 2021ع ۾ عليحدگيءَ تي ختم ٿي هئي.
