واشنگٽن (ويب ڊيسڪ) ڪيئي آمريڪي سمجهن ٿا ته آمريڪي صدر ٽرمپ ذهني ۽ جسماني طور تي اثرائتي نموني ڪمانڊر ان چيف جون ذميواريون نڀائڻ جي اهل ناهي.
آمريڪي اخبار واشنگٽن پوسٽ، ٽي وي چينل اي بي سي نيوز ۽ اپسوس پول ۾ 59 سيڪڙو آمريڪين جي راءِ آهي ته صدر ٽرمپ جي ذهني صلاحيت اهڙي ناهي جيڪا ملڪ جي قيادت لاءِ گهربل هوندي آهي.
پول موجب، 55 سيڪڙو بالغ آمريڪين جو چوڻ هو ته صدر ٽرمپ جي جسماني صحت عهدي جي مناسبت سان سٺي ناهي، جڏهن ته 40 سيڪڙو ماڻهن چيو ته ٽرمپ ملڪي قيادت لاءِ مڪمل طور اهل آهي، جڏهن ته 1 سيڪڙو آمريڪين سوال جو ڪو جواب نه ڏنو.
پول ۾ 44 سيڪڙو آمريڪي شهرين ان ڳالهه سان اتفاق نه ڪيو ۽ 1 سيڪڙو ڪو جواب نه ڏنو.
سروي ۾ شامل 67 سيڪڙو ماڻهن چيو ته کين نٿو لڳي ته ٽرمپ اهم فيصلا ڪري سگهي ٿو.
