واشنگٽن(ويب ڊيسڪ) آمريڪي صدر ڊونلڊ ٽرمپ جو چوڻ آهي ته چين سان وڙهڻ بدران بهتر لاڳاپا رکڻ وڌيڪ لاڀائتو آهي.
آمريڪي ٽي وي سان ڳالهائيندي ڊونلڊ ٽرمپ جو چوڻ هو ته چين ۽ آمريڪا جي وچ ۾ لاڳاپا بهتري طرف وڌي رهيا آهن، ٻنهي ملڪن جي وچ ۾ مضبوط لاڳاپا قائم آهن.
هن چيو ته چين سان وڙهڻ بدران بهتر لاڳاپا رکڻ وڌيڪ فائديمند آهي.
هڪ سوال جي جواب ۾ ڊونلڊ ٽرمپ جو چوڻ هو ته فوجي لحاظ کان ايران هاڻي تقريبن ختم ٿي چڪو آهي، جڏهن ته چين جي وينزويلا ۽ ايران جي صورتحال تي گهري نظر آهي.
ياد رهي ته آمريڪي صدر ڊونلڊ ٽرمپ کي هلندڙ مهيني چين جو اهم دورو ڪرڻو آهي جنهن ۾ هو چيني هم منصب شي جن پنگ سان ملاقات ڪندو.
دوري دوران ٻنهي ملڪن جي وچ ۾ واپار، ٽيڪنالاجي ۽ ايران جنگ سان لاڳاپيل معاملن تي خيالن جي ڏي وٺ ڪئي ويندي.
