لاهور (ويب ڊيسڪ) ناليواري گلوڪار علي ظفر، گلوڪارا ميشا شفيع خلاف ساک کي ڇيهو رسائڻ وارو ڪيس کٽڻ کانپوءِ پهرين انسٽاگرام پوسٽ شيئر ڪئي ۽ الله جو شڪر ادا ڪيو.
علي ظفر پنهنجي پوسٽ ۾ لکيو ته ”مان خدا جو شڪر گذار آهيان ۽ انهن سڀني جو به ٿورائتو آهيان جن زندگيءَ جي ڏکئي مرحلي ۾ منهنجو ۽ سچ جو ساٿ ڏنو.“
هن وڌيڪ چيو ته ” نيٺ انصاف ٿيو، مون کي ڪنهن فتح جو احساس ناهي، رڳو عاجزي ۽ شڪرگذاري آهي، مان ڪنهن جي خلاف ناڪاري جذبا نه ٿو رکان.“
علي ظفر لکيو ته ”منهنجي لاءِ هي باب هاڻي بند ٿي چڪو آهي، دعا آهي ته سڀ وقار ۽ سڪون سان اڳتي وڌون.“
واضح رهي ته لاهور جي عدالت اڱاري ڏينهن علي ظفر جي حق ۾ فيصلو ٻڌائيندي ميشا شفيع کي 50 لک رپيا ڏنڊ ادا ڪرڻ جو حڪم ڏنو.
