لنڊن(عوامي آواز نيوز)ايران جي حملن کانپوءِ دبئي خالي ٿيڻ لڳو، برطانيه سميت هزارين پرديسي، جيڪي دبئي ۾ رهندا هئا، دعويٰ ڪري رهيا آهن ته اهي هاڻي واپس نه ايندا، ڇو ته هو پنهنجي زندگي جي خطري کان ڊڄن ٿا ۽ سندن ڪاروبار تباهه ٿي رهيا آهن، جڏهن ايران جي هٿيارن جا حملا جاري آهن.دبئي اڳ ۾ ٽيڪس کان آزاد ۽ عالمي اثر و رسوخ وارن لاءِ جنت سمجهيو ويندو هو، جتي برطانوي سياحن ۽ دنيا جي دولت مند ماڻهن جي آمد ٿي، پر هاڻي شهر جو نفيس ۽ محفوظ تصور ختم ٿي ويو آهي ۽ رهواسي چون ٿا ته دبئي ختم ٿي ويو آهي، دبئي، جيڪو تقريبن 240,000 برطانوي پرديسين جو گهر آهي، گذريل ٻن هفتن ۾ ايران 1,700 ميزائل ڊبئي ڏانهن فائر ڪيا، جيتوڻيڪ 90 سيڪڙو ايئر ڊيفنس سسٽم طرفان تباهه ڪيا ويا آهن. ايئرپورٽ تي ڊرون ڪرڻ سبب عالمي اڏامون بند ٿي ويون،فيئر مونٽ هوٽل به ايراني حملن جو نشانو بڻيو، جڏهن ته سٽي بئنڪ ۽ اسٽينڊرڊ چارٽرڊ بئنڪن پنهنجو آفيسون خالي ڪري ڇڏيون آهن، پرڏيهي سياح امن لاءِ ڀڄي رهيا آهن، جڏهن ته جيڪي رهجي ويا آهن، حڪومت ۽ انفلوئنسرز شهر جي حفاظت ۽ سلامتي جي دعوائون ڪري رهيا آهن، پر رهواسين جو خوف وڌي رهيو آهي.
