اسلام آباد(عوامي آواز نيوز)وزيراعظم شهباز شريف جي سياسي معاملن بابت صلاحڪار، سينيٽر راڻا ثناءُ الله چيو آهي ته تحريڪ انصاف سياستدانن سان ملاقات ۽ ڳالهه ٻولهه کان انڪار ڪري رهي آهي، ۽ اهو رويو صحيح ناهي.هڪ نجي ٽي وي پروگرام۾ ن ليگي سينيٽر رانا ثناء الله ۽ پي ٽي آءِ اڳواڻ عون عباس شرڪت ڪئي.ن ليگي سينيٽر چيو ته پي ٽي آءِ جي سياسي ڪميٽي چيو ته پهريان عمران خان سان ملاقات ڪرايو، پوءِ اجلاس ۾ اينداسين.راڻا ثناء الله پي ٽي آءِ سان ڊيل جي خبرن جي ترديد ڪئي هن چيو ته اچڪزئي کي چيو ويو هو ته قومي حڪومت جون تجويزون نه ڏيو، نه ته توهان کي خارج ڪري ڇڏينداسين. پي ٽي آءِ سياستدانن سان ڳالهه ٻولهه کان انڪار ڪري رهي آهي، ۽ اهو رويو صحيح ناهي.هن وڌيڪ چيو ته جڏهن اهي حڪومت ۾ هئا، اسان هر موقعي تي انهن سان ڳالهه ڪرڻ لاءِ تيار هئاسين، پلواما واقعي تي ميٽنگ لاءِ اسان هڪ ۽ اڌ ڪلاڪ انتظار ڪيو، پر وزيراعظم نه آيوپروگرام ۾ شرڪت ڪندڙ عون عباس بپي چيو ته وزيراعظم پارليامينٽ ۾ ايندوته شايد اسان پنهنجو فيصلو تبديل ڪري وٺون، اسان کي پي ٽي آءِ جي باني سان ملاقات ڪرائين ته جيئن هن معاملي تي اسان کي رهنمائي ملي سگهي.هن اهو پڻ چيو ته وزيراعظم هائوس تڪراري آهي، پارليامينٽ ۾ اچي ڳالهه ڪريو، اسان چئي رهيا آهيون ته انهن وٽ مينڊيٽ ناهي، اسان انهن جي آفيس ۾ ڪيئن ويهنداسين.
