اسلام آباد(بيورو رپورٽ) وزيراعظم شهباز شريف ۽ صدر آصف زرداري اهم قومي ۽ اندروني سلامتي معاملن تي بحث ڪيو، جنهن ۾ غزه امن بورڊ تي پاڪستان جو نقطه نظر شامل آهي. ايڪسپريس نيوز موجب، وزيراعظم شهباز شريف صدر آصف علي زرداري سان ملاقات ڪئي ۽ ملاقات صدارتي محل ۾ ٿي. ذريعن جو چوڻ آهي ته ٻنهي پارٽين جا مرڪزي اڳواڻ به ملاقات ۾ موجود هئا، جنهن ۾ ملڪ جي مجموعي سياسي، معاشي ۽ سيڪيورٽي صورتحال تي بحث ڪيو ويو. اجلاس ۾ اهم قومي ۽ اندروني سلامتي معاملن تي پڻ بحث ڪيو ويو ۽ آزاد ڪشمير جي نئين صدر جي چونڊ تي پڻ صلاح مشورا ڪيا ويا. ذريعن جو چوڻ آهي ته هن موقعي تي غزه امن بورڊ ۽ پاڪستان جي نقطه نظر تي پڻ بحث ڪيو ويو.
