شهيد ڀٽو جڏهن ايوب خان خلاف تحريڪ هلائي، ته سندس مقبوليت وڌي وئي۔ساڳي طرح، نواز شريف کي جڏهن ٽيون ڀيرو اقتدار مان هٽايو ويو، ۽ هن “مون کي ڇو ڪڍيو ويو” ۽ “ووٽ کي عزت ڏيو” جو نعرو لڳايو، ته سندس مقبوليت ۾ اضافو ٿيو۔عمران خان جڏهن هن پنهنجي حڪومت جي خاتمي کي اسٽيبلشمينٽ ۽ آمريڪا سان ڳنڍيو، ته قوم ۾ سندس مقبوليت جو گراف تيزي سان وڌي ويو۔پر هاڻي شيون بدلجي ويون آهن۔ڪالهه مريم نواز تقريباً هڪ ڪلاڪ جو وي لاگ ڪيو—مان ان کي وي لاگ ان ڪري ٿو چوانته اهو سوشل ميڊيا ۽ پنجاب حڪومت جي يوٽيوب چينل ذريعي نشر ٿيو،اهي ڳالهيون صاف ٻڌائي رهيون هيون ته ميدان ۾ ڇا ٿي رهيو آهي۔ اهو سڀ ڪجهه نواز شريف جو ويزن آهي، ۽ ان تي عملدرآمد لاءِ اسٽيبلشمينٽ مڪمل سهڪار فراهم ڪري رهي آهي۔ ٻي صورت ۾، عام طور تي اسٽيبلشمينٽ ٻه ٽي سال بعد نئون اميدوار يا نئون وزيراعظم ڳولڻ شروع ڪري ڇڏيندي آهي۔هاڻي صورتحال اها آهي ته مضبوط ساٿين سان گڏ، ڪنهن به قسم جو دٻاءُ قبول نه ڪيو ويو آهي۔ نه خط، نه سوشل ميڊيا مهم، نه عمران خان جي آن لائين دٻاءُ،ڇوته اسٽيبلشمينٽ کي زميني حقيقتن جي خبر آهي، نواز شريف جو “ترقي، ترقي، ترقي” وارو ويزن ماڻهن کي نظر اچي رهيو آهي، ۽ اهو ڪارگر ثابت ٿي رهيو آهي۔نواز شريف جي مقبوليت جو بنياد به اهو ئي هو۔ پيپلز پارٽي کي پنجاب ۾ اهو هنر نه آيو، ان ڪري اتي سندن ووٽ بينڪ ختم ٿي ويو۔بهرحال، هن سموري صورتحال جو ڪريڊٽ نواز شريف کي به وڃي ٿو، پر ان کان وڌيڪ پاڪستان جي اسٽيبلشمينٽ کي، جنهن هڪ سياسي جماعت جو چورائجي ويل ووٽ بينڪ ٻيهر بحال ڪيو، ۽ ان جي قيادت ۽ ڪارڪردگيءَ ۾ بيجا رنڊڪون نه وڌيون۔
