لاهور(بيورو رپورٽ) پنجاب بار ڪائونسل جنرل فيض حميد جي وڪيل ميان علي اشفاق ايڊووڪيٽ جو لائسنس معطل ڪري ڇڏيو آهي، کيس سٽي ڪورٽ ڪراچي ۾ پيشيوراڻي ضابطه اخلاق جي ڀڃڪڙي جو مجرم قرار ڏيندي. پنجاب بار ڪائونسل جي ايگزيڪيوٽو ڪميٽي ميان علي اشفاق ايڊووڪيٽ جي لائسنس جي مستقل منسوخي لاءِ ڪيس کي ڊسپلنري ڪميٽي ڏانهن موڪليو آهي. بيان ۾ چيو ويو آهي ته پنجاب بار ڪائونسل سوشل ميڊيا تي وائرل ٿيل وڊيو جي بنياد تي ڪارروائي ڪئي ۽ عدالتي هڙتال دوران ڪراچي سٽي ڪورٽ ۾ پيش ٿيڻ تي پيشيورانه ضابطه اخلاق جي ڀڃڪڙي جو مجرم قرار ڏنو.ميان علي اشفاق ايڊووڪيٽ تي قانوني برادري خلاف بيان ڏيڻ جو الزام هو، جنهن سان اتحاد ۽ وقار کي نقصان پهتو، ۽ پنجاب بار ڪائونسل موجب، هي عمل پيشه ورانه بدانتظامي جي زمري ۾ اچي ٿو. پنجاب بار ڪائونسل چيو ته ايگزيڪيوٽو ڪميٽي متفقه طور تي ميان علي اشفاق جو لائسنس فوري طور تي معطل ڪرڻ جو فيصلو ڪيو، سندس عمل کي پاڪستان ليگل پريڪٽيشنرز اينڊ بار ڪائونسل رولز 1976 جي سيڪشن 134 ۽ 175-A جي خلاف ورزي قرار ڏنو.
