اسلام آباد(جاويد چوڌري)اڳوڻي ڊي جي ليفٽيننٽ جنرل نديم انجم جي مقرري کان اڳ تڏهوڪي وزيراعظم خان سخت مزاحمت ڪئي هئي پر اڳوڻي آرمي چيف جنرل قمر جاويد باجوا جي سخت موقف سبب هن فيس سيونگ گهري ۽ پوءِ جنرل نديم انجم آءِ ايس آءِ جو سربراهه بڻجي ويو،پوءِ پي ٽي آءِ جا اسٽيبلشمينٽ سان معاملا خراب ٿيا،ان ۾ هڪ وقت اهڙو به آيو جو جنرل نديم انجم کي ڊي جي آءِ ايس پي آر سان گڏ پريس ڪانفرنس به ڪرڻي پئي،ان پريس ڪانفرنس ۾ جنرل نديم انجم انڪشاف ڪيو هو ته عمران خان جنرل باجوا کي تاحيات ايڪسٽينشن جي آڇ ڪئي هئي ٻئي پاسي نئين آرمي چيف جي مقرري واري وقت جنرل باجوا جي خواهش هئي ته جنرل ساحر شمشاد مرزا کي نئون آرمي چيف بڻايو وڃي،ان جو سبب اهو هو ته جنرل عاصم منير آرمي چيف بڻجي ويو ته پوءِ پي ٽي آءِ سان معاملا خراب ٿي ويندا ۽ سياسي پولرائزيشن وڌي ويندي،جڏهن ته جنرل ساحر شمشاد اهڙو جنرل آهي جنهن تي سڀني جو اعتماد آهي،پوءِ اها اميد لڳائي وئي ته جنرل ساحر آرمي چيف نه بڻيو ته هو پنهنجي ڪاوڙ ضرور ڪڍندو ان دوران 9 مئي جا واقعا ٿي ويا پر جنرل ساحر شمشاد پنهنجي اداري ۽ آرمي چيف سان گڏ بيٺل رهيو،هن جي باري ۾ ڪو به تڪرار نه ٿيو نه ئي ڪو اسڪينڊل آيو،وڏي خاموشي سان هو پنهنجو مدو پورو وڏي عزت سان رٽائرڊ ٿيو آهي پر جيئن ئي هو رٽائر ٿيو آهي پي ٽي آءِ هن خلاف پروپيگنڊا شروع ڪري ڇڏي آهي،ٻئي پاسي پي ٽي آءِ پاران اها مهم به هلائي وئي آهي ته جنرل (ر)نديم انجم ۽ آءِ ايس پي آر ۾ ڪم ڪندڙ سندس ڌيءُ لاريب انجم کي گرفتار ڪيو ويو آهي،اها خبر ڪوڙي آهي جڏهن ته آءِ ايس آءِ ۾ ڊي جي سي جنرل فيصل نصير جي به گرفتاري جي پروپيگنڊا ڪئي وئي،اها پروپيگنڊا شهباز گل جي پيجن تان شروع ٿي،ڀارتي سوشل ميڊيا ان کي وڏي پئماني تي ڦهلايو
