وارهه (پ ر) جيئي سنڌ محاذ چئرمين رياض چانڊيو اعلان ڪندي چيو آهي ته سنڌ محفوظ ناهي ڌاريا بنگالي، برمي، افغاني سنڌ لاءِ عذاب بڻيل آهن، حيدرآباد ۾ سنڌ جي تحفظ لاءِ 22 ڊسمبر تي تحفظ سنڌ احتجاجي مارچ ڪري رهيا آهيون سنڌ واسي شرڪت ڪرڻ لاءِ سموري سنڌ ۾ وڃي دعوت ڏئي رهيو آهيان، وارهه ۾ ميڊيا سان ڳالهائيندي هن چيو ته سنڌ ڌڙيلن چورن ڪرپٽ ڪامورن ڪرپشن جي بادشاهه حڪمرانن حوالي ٿيل آھي، سنڌ جي تيل گيس ۽ معدني وسيلن کي لٽيو پيو وڃي جتي تيل گيس نڪري ٿو اتان جا نوجوان بيروزگار آھن انهن علائقن ۾ رپيو خرچ نٿو ڪيو وڃي، وارهه ننڍڙي شهر ۾ آئيس هيرون آفيم ۽ خطرناڪ منشيات وڪرو ڪئي پئي وڃي، منشيات جي سرعام وڪري سبب نوجوان نسل تباهه ٿي رهيو آھي جيئي سنڌ محاذ سنڌ جي ڦرجندڙ وسيلن تي ڪڏھن به خاموش نٿي ويهي سگهجي، جدوجهد جاري رکي ويندي، سنڌ مان نڪرندڙ تيل گيس معدني وسيلن جي مالڪ سنڌ قوم آھي.
