ڪراچي (رپورٽر) شاگرد اڳواڻ غني امان چانڊيو سينٽرل جيل مان آزاد ٿي ويو، ويلڪم ويلڪم جي نعرن سان جيل ٻاهران سندس آجيان ڪئي وئي، غني امان چانڊيو جيل مان مرڪندي نڪتو ۽ سڀني دوستن، ڀائرن، مٽ مائٽن، صحافين ۽ سول سوسائٽي جي ماڻهن جو شڪريو ادا ڪيو ۽ شاهه عبداللطيف ڀٽائي جو ڪلام پڙهي، گذريل ڏينهن دهشتگردي ٽوڙ عدالت غني امان چانڊيو ۽ سرمد ميراڻي جي دهشتگردي جي ڪيس ۾ ضمانت منظور ڪئي هئي، سرمد ميراڻي کي گذريل ڏينهن ئي آزاد ڪيو ويو هو، غني امان چانڊيو کي ڪالهه آزاد ڪيو ويو، ڪجهه ڏينهن اڳ غني امان چانڊيو کي اسپتال ۽ سرمد ميراڻي کي گهران کنڀيو ويو هو، جڏهن ته عدالت ۾ سي ٽي ڊي طرفان ٻڌايو ويو ته ٻنهي نوجوانن کي مڇر ڪالوني مان گرفتار ڪيو ويو هو.
