اسلام آباد (ويب ڊيسڪ) وفاقي حڪومت سون جي درآمد ۽ برآمد تي لاڳو پابندي ختم ڪري ڇڏي.
وفاقي ڪابينا جي منظوري کانپوءِ واپار واري وزارت سون جي درآمد ۽ برآمد تي لاڳو پابندي ختم ڪرڻ جو نوٽيفڪيشن جاري ڪري ڇڏيو.
نوٽيفڪيشن موجب سون جي عالمي واپار بابت معطل ٿيل ايس آر او بحال ڪيو ويو آهي.
نوٽيفڪيشن ۾ ٻڌايو ويو آهي ته وفاقي حڪومت قيمتي ڌاتن ۽ زيورن جي درآمد ۽ برآمد بابت ڪجهه ترميمون به ڪيون آهن، جڏهن ته قيمتي ڌاتن ۽ زيورن جي درآمد ۽ برآمد جو فريم ورڪ برقرار رهندو.
واضح رهي ته هن سال مئي ۾ سون جي ايڪسپورٽ ۽ امپورٽ تي پابندي هنئي وئي هئي، واپاري واري وزارت 6 مئي 2025 ۾ سون جو واپار منظم ڪندڙ ايس آر او 60 ڏينهن لاءِ معطل ڪيو هو.
ذريعن جو چوڻ آهي ته سون جي سمگلنگ جي شڪايت تي پابندي لڳائي وئي هئي.
